كل بنوته بتحب او عايشه قصة حب تيجي تشوف

بسم الله الرحمن الرحيم
الحمدلله والصلاة والسلام على رسول الله علية افضل الصلاة والسلام
لا اله الا انت سبحانك انا كنا من الظالمين
اللهم اغفر لنا وارحمنا يا ارحم الراحمين

انا كلامى دة بقولة للى شايلة هم دعوة متقبلتش لحد دلوقتى
للى شايلة هم عدم توفيقها فى دراستها
واللى شايلة هم خناقتها اللى مبتخلصش مع جوزها ومع خطيبها
واللى شايلة هم قلة الرزق وعدم البركه فية
واخييييييييييييرا المرتبطات اللى مش عارفين ارتباطهم هيبقى رسمى امتى اللى شايلين هم
اللى بباها رافض
اللى لسا ظروفة متسمحش يتقدم
اللى فى مشاكل اصعب من كدة بكتييييييييير معطلة الجواز دة(وانا منهم دول)

المهم انا مش بقول مرتبطة تروحى وتيجى معاة وقضيها حبيبى وحبيبتى وحشتينى وانت اكتر وكدة لا والله انتى فاكرة انك كدة هتعيشى مبسوطة بعدين
والله يمكن ربنا يجوزكو اة بس حياتك تبقى جحيم عشان مزعلين ربنا بكلامكم دة
يمكن مش هتقدرى تبعدى عنة مانتى شيفاة كل حياتك مكالمة منة ولو دقيقة واحدة تسمعى فيها صوتة بتخليكى طايرة
بس انا بقولك لااااااااازم تبعدى تجنبى غضب ربنا احسن
تفتكرى انا مش حاسة بيكى
لا والله حاسك باللى انتى فية اوى اويييي كمان
لانى كنت زيك واكتر والله العظيم
بس اخدت اية فالاخر
ربنا زعلان منى ونتيجة زعل ربنا انه حرمنى منة وبعدنا عن بعض غصبن عننا واحنا بنتقطع
المشاكل والظلم نزل فوق دماغى شلال كل يوم تحصلى مشكلة من مفيش والهم زاد على قلبى واكتئبت وبقيت جسد بلا روح ماشى عالارض
عشان كدة الحقى نفسك وروحك وابعدى
ادعيلو وهو يدعيلك انكو تبقو لبعض فالحلال بس من غير ماتكلمو بعض
اصبرى واتماسكى لحد ماتخلص ظروفة ويجى البيت يتقدم
وقتها اطلعى ف نص الشارع وزغرطى وقولى انا اتخطبتلة محدش هيلومك
منا عارفة فرحة المخطوبين عن حب اية وكانت امنية حياتى اجربها واحسها

المهم.......

انا لما لاقيت نفسى همومى زادت ابتديت ابص انا بعمل اية مزعل ربنا اوى كدة وابطلة عشان حياتى تبقى احسن
وبصراحة الاول كنت بعمل كدة عشان ربنا يستجيب ليا والمشاكل اللى معطلة جوازى تتحل بس انا كنت غلطانة
ابتديت شوية بشوية ابطل الغلط وانا مقتنعة انة عشان خاطر ربنا وبس عشان يحبنى مش عشان حاجة تانى

1.....انا بطلت تنمص كنت عارفة انة حرام بس الشيطان كل مرة اعمل فيها كان بيغوينى
لحد ماوقفت مع نفسى وبطلت خالص ومرتاحة اوى بقيت اشقرهم(اخدت تريقة من كلة ماما خالتى اصحابى كل مستغرب شكلى كدة ومش عاجبهم)
بقيت اقول فى سرى يارب مهمها قالو انا مش هرجع اعملهم تانى عشان خاطرك جملنى فى عنيهم يارب
انا ساعات اة ابص فى شكلى اقول مش حلو كدة بس بردو عمرى مافكرت ارجعلهم حتى لو اتجوزت

2..... بطلت اسمع اغانى اللى كانت حياتى وكنت اسرح وابكى معاها كرهتها خالص لدرجة انى الحمدلله بمجرد اسمع اغنية بتعصب واتخنق وابقى مش طايقة اللى مشغلها والجهاز بتاعى بقى علية قران وبس

3..... انا لبسى طول عمرة الحمدلله حشمة بس احتشمت اكتر واكتر وابتديت البس عباية او حاجة طويلة اوى ولسا مستمرة

4.....عمرى ماكنت اعرف يعنى اية قيام ليل ولا اطلع صدقة ولا حاجة من دى
بس الحمدلله من اول مادخلت هنا عرفت حاجات حلوة اوى


انا بعد ماعملت كل دة حياتى اتغيرت الحمدلله بس اللى معرفتش ابطلة انى كنت لسا بكلم حبيبى بطلت اى كلام حب بينا صح وبقيت اقولة لما نبقى فى بيتنا احسن ووقت الصلا كنا نشجع بعض نقوم نصلى ف نفس الوقت بس بردو اسمى بكلمة بردو
عشان كدة ربنا حرمنى منة المشاكل اللى كانت مانعة جوازنا بقت تزيد وتزيد وتزيييييييييد لحد مابقى مستحيل نبقى لبعض تانى(بس ربنا مفيش عندة مستحيل) انا معرفتش اسيبة بارادتى قام ربنا خلانى اسيبة غصبن عنى

عشااااااااااان كدة ارجوكى الحقى نفسك وسيبية بارادتك ومتخافيش هيرجعلك بس وانتو فالحلال
سبية بقى قبل مابعد الشر يحصلك مشاكل وقتها هتقولى ذى منا بقول ياريتنى كنت سيبتة بارادتى من زمان ولا كنت زعلت ربنا يوم واحد

انا قصرت فى حق ربنا اوى
بس الحمدلله اللى انا مش مصدقاة انى بقيت ابكى وانا بصلى من الخشوع والخوف من غضب ربنا عليا
الاول كنت ابكى عشان ربنا يجمعنى بية بس الموضوع كان بيتعقد اكتر
دلوقتى حسيت اد اية انى كنت مزعلة ربنا منى وبطلب منة يسامحنى ويغفرلى وادعولى معاكم

المهم لما يبقى عندك ارادة ياحبيبتى تسيبى اللى بتحبية مش هقولك انسية خالص لا اتفقى انتى وهو انكو مش هتزعلو ربنا عشان ميحرمكوش من بعض
ولو مخطوبة بلاش حب وكلام من دة مش معنى انك اتخطبتى يبقى خلاص ملكتية
لا صدقينى صحبتى جوازها اتفركش يوم الفرح الصبح بعد الشر عنكم طبعا

ارضى ربنا عشان يرضى عنك

$$$ صلى ركعتين بنية قضاء الحاجة(دعاء قضاء الحاجة مش متفقين على صحتة ف انتى احسنلك ادعى باى دعاء تحبية الدعاء دة مجرب وحلو اوى##اولا نحمد ربنا على نعمه الكتيرة طبعا واللى غالبا بننساها ومش بنفتكر الا الابتلاء او المشكلة اللى عندنا
نصلى على الرسول عليه الصلاة والسلام فى البداية والنهاااااية عشان الصلاة على الرسول والحمد ان شاء الله مقبولين فا اللى بيكون بينهم بيكون مقبول باذن الله

اللهم عالم الغيب والشهادة فاطر السموات والارض رب كل شئ ومليكة اللهم انى اسالك بكل اسم سميت بة نفسك او انزلتة فى كتابة او استأثرت بة فى علم الغيب عندك او علمتة احدا من خلقك
اللهم انى اسالك باسمك الاعظم الذى اذا دعيت بة اجبت اللهم انى اسألك بأسمائك الحسنى وصفاتك العلى
اللهم ياحى ياقيوم يا واحد يا احد يا فرد يا صمد يا من لم تلم ولم تولد ولم يكن لك كفؤا احد
يا حليم ياكريم يا من يجيب المضطر اذا دعاة ويكشف السوء يارب يا من احن على العبد من امة وابية
يا رافع السموات والارض يارب كل شئ وخالق كل شئ ومالك كل شئ ياااااارب ...(قولى اللى انتى عايزاة....) وخلى الدعاء من قلبك وحسى بكل كلمة بتقوليها وارمى حملك على الله وخلى عندك ثقة بالله ويقين##

$$$ صلى استخارة كتير على موضوعك

$$$ طلعى صدقة كتيييييييييييييييييير على اد ماتقدرى مفعولها رهيييييييييييب وادعى بعدها الدعاء مجاب

$$$ استغفرى علطول علطول خلى الاستغفار على لسانك وذكر الله دايما على لسانك خلية

$$$ صلاة قيام الليل طبعا اوعى تستهونى بيها ربنا بنفسة بينزل يسمعك ويستجيب ليكى